Ìmọ̀ Ìjìnlẹ̀-Èrò Yorùbá àti Ìbáyému Nínú Àṣàyàn Orin Yẹ̀kínì

Comfort Olatunji Efemini

Ìmọ̀ Ìjìnlẹ̀-Èrò Yorùbá àti Ìbáyému Nínú Àṣàyàn Orin Yẹ̀kínì

Authors

Comfort Olatunji Efemini

Adeyemi Federal University of Education, Ondo.

Author

Abstract

Ohun tí ó máa ń jẹ oníṣẹ́-ọnà aláwòmọ́ lítíréṣọ̀, ìbá à jẹ́ ewì alohùn, tàbí ewì àpilẹ̀kọ lógún ni láti ri pé ìmọ̀-ìjìnlẹ̀ èrò wọn bá ìṣẹ̀lẹ̀ àwùjọ mu ní gbogbo ọ̀nà. Káríayé ni orin jẹ́, káàkiri ilẹ̀ adúláwọ̀ àti ilẹ̀ aláwọ̀ funfun ni orin ti jẹ́ kòṣeémánìí nínú ìgbésí ayé àwọn ènìyàn àwùjọ. Ajíbádé àti Rájí (2011) fi èrò wọn hàn nípa ewì alohùn Yorùbá pé ó wà láti dáàbòbo ìgbékalẹ̀ àwùjọ, ohun tó jẹ mọ́ ìwà àpọ́nlé tàbi ìwà àbùkù láàrin àwùjọ a máa jẹyọ nínú ewì wọn lóòrè-kóòrè. Ọlátúnjí (1982) gbà pé ewì jẹ́ ọ̀nà kan pàtàkì tí àwọn ènìyàn ń gbà fi èrò ọkàn wọn hàn fún àwùjọ. Wakepedia (2016) tí ó jẹ́ àkọsílẹ̀ yaágbó-yaájù, lórí ẹ̀rọ fóònù alágbéká sọ nípa ewì báyìí pé:

Poetry is a form of literary art in which language is used for its aesthetic and evocative qualities in addition to or in lieu of its apparent meaning.

(Ewì jẹ́ iṣẹ́ ọnà aláwòmọ́ lítíréṣọ̀ èyí tí ó jẹ́ pé èdè ni a fi ṣe àbùdá ẹwà àti adùn rẹ̀ ní àfikún sí tàbí ní ìrọ́pò sí ìtumọ̀ tí ó yẹ kí ó ní).

Ohun tí Wakepedia (2016) ń sọ ni pé iṣẹ́ ọnà aláwòmọ́ lítíréṣọ̀ ni ewì jẹ́, èdè tí ó kẹnú, tó jinlẹ̀ tó sì jíire ni a sì fi máa ń gbe jáde. Ìtumọ̀ àti èrò rẹ̀ a sì máa jinlẹ̀ ju ọ̀rọ̀ ṣákálá lọ. Èrò ìjìnlẹ̀ Yorùbá sì máa ń farahàn nínú irú àwọn ewì bẹ́ẹ̀. Ewì Yorùbá èyí tí orin jẹ́ ọ̀kan nínú wọn máa ń ní nǹkan pàtó tó dá lé lórí. Ìjìnlẹ̀ èrò tí a fi àrògún gbé kalẹ̀ lọ́nà tó dùn tó sì ní iṣẹ́ tí ó ń jẹ́ ni ewì. Àfojúsùn iṣẹ́ ìwádìí yìí ni láti ṣàfihàn ìmọ̀ ìjìnlẹ̀-èrò tí ó sodo sínú orin Yẹ̀kínì Àjàó. Àbájáde rẹ̀ sì fi hàn pé àgbékalẹ̀ orin Yẹ̀kínì Àjàó kún fún ọ̀pọ̀lọpọ̀ ìmọ̀ ìjìnlẹ̀-èrò Yorùbá èyí tí ó fi ìdí rẹ̀ múlẹ̀ pé èso àwùjọ ni orin rẹ̀. Tíọ́rì ìfojú-ìmọ̀-ìbára-ẹni-gbé-pọ̀ wo lítíréṣọ̀ ni a fi ṣe àtúpalẹ̀ iṣẹ́ yìí.

References

Cover Image

Downloads

PDF

Published

2026-04-30

Issue

Vol. 2 No. 1 (2026): ONDO JOURNAL OF ARTS

Section

Articles